資金洶湧殺入股海，推動港股勁升678點，收報15580，成交激增至754億元。滙控（005）昨再大升9.3%至55.65元。早幾日星俠聽到有「財經演員」猛話「大笨象」過唔到五十蚊，家陣唔知呢位仁兄有何話說？
今年港股格局好多人都話係「上落市」，但幾時升幾時落，好多人都係靠估，但點都好，好友既暫時得勢，炒股無謂「估頂」，只要資金戀棧股海，總要搵目標炒作。
短炒看0.8元
煤炭股昨日整體表現不俗，內地有消息指，煤炭企業有意聯手提高合同煤價達19%，加上秦皇島港口煤炭庫存連跌五周，消息刺激市場聚焦煤炭股。
「染黑」涉足煤炭業的弘海（8112）可留意，弘海上月公佈業績後，一度急升至0.74元，之後在0.50元至0.60元之間整固，昨升7%，報0.60元，新升浪已發動，短炒目標0.80元，跌穿0.50元止蝕。
方星俠