中國三大電訊商推銷3G各有諗頭，中移動（941）用極似太極嘅圖案做3G品牌logo，中電信（728）就整咗隻「天翼」做流動業務品牌，咁聯通（762）又點樣為自己個brand搞搞新意思？
內地傳媒噚日爆料話，由今個月底開始，聯通會用「沃」呢個名，推出佢哋全新業務品牌。
禍禍聲唔老利
點解係「沃」呢個字？好簡單，因為同「我」嘅普通話諧音差唔多，連個logo都係「WO」（見圖）。據講，聯通將會喺全業務框架內，推出3G應用、家庭業務等細分市場嘅子品牌，到時就會用「沃．精彩」、「沃．商務」同「沃．生活」等分類。好明顯，諗呢個絕世logo嘅仁兄，肯定唔識廣東話，「WORWOR聲」，大吉利是咩！