電話騙案歷久不衰，受害人多是老人家。
騙徒致電你祖父，訛稱你在大陸撞車，急需手術費；又或欠下賭債，正被禁錮，要求立即存錢到指定賬戶，然後打兩鎚枕頭，再由同黨悲鳴：「哎唷！阿爺救我呀！」
這種騙案所費無幾、「技術含量」低，長者「落叠率」高。更糟糕的是，《警訊》推出模擬片段，間接傳授了「改良版」，騙徒要老人家保持通話，即到櫃員機轉賬（而非銀行櫃位，免被精靈出納識破），不會轉賬的，請途人代勞，區區數千元，途人也不易起疑。
其實，以下的「爺孫同樂暗號法」足以防騙，茲示範如下：
「阿伯，你敢報警，我哋就打死你個孫！」
阿伯冷靜地說：「真係我個孫？你問佢『暗號』係乜？」
「暗號？……um……你個孫話唔記得喎！」
「咁橋？你問佢爺爺個新女友叫乜名？」
騙徒一愕：「阿伯……你個乖孫話阿嫲冇講佢知喎！」
「係肥溫斯基呀！你同我打到佢仆街啦！」
後生仔記得每星期和老人家用電話綵排，甚至找個朋友扮騙徒。既可預防老人癡呆，又能增進爺孫感情，超值！