華華噚日喺《證券時報》睇到篇報道，話近期深圳市有唔少白領、高管，都收到渣打銀行嘅短訊、電話或電郵，宣傳佢哋嘅個人貸款「現貸派」。報道話，銀行嘅推銷內容大致講「我行推出免抵押、免擔保現金貸款，在深圳工作月薪3000元（人民幣．下同）以上即可申請，額度最高可達20萬。」
華華即時打去渣打內地客戶服務熱線求證，客戶服務員話家的確有針對個別分支城市推出「現貸派」，申請人只要帶同身份同收入證明，加埋受僱單位嘅勞動合同，就可以去分行辦手續。係咪月入3000蚊都可以借廿萬？職員話借款額係收入6至8倍，上限20萬。即係月薪3000蚊頂多借到兩萬四啫。利息7.9至9.9厘，仲要收每月0.69%賬戶管理費。
免抵押借月薪8倍
唔使抵押同擔保借到月薪8倍，仲唔使10厘息，華華都有啲心郁，但職員話港澳台人士暫時未能受惠喎！