一班無綫藝員陳爽、宋熙年、呂慧儀、黎諾懿同高鈞賢等，噚日喺西九龍中心為電視廣告大獎拉票，陳爽、宋熙年兩位靚女不約而同着上短褲迎夏日，大晒美腿，但係黎諾懿就戴住副黑超，仲以為佢扮大牌定係唔想俾人望到佢偷睇靚女，但後來黎諾懿解釋：「因為隻眼發炎，本來想用化妝品遮，點知越遮越覺，所以咪戴黑超囉！」