花旗股市上禮拜四大幅上升，富國銀行發盈喜，刺激銀行股隻隻勁升，此外又傳聞聯儲局對19間大銀行壓力測試嘅結果好滿意，睇嚟呢個禮拜花旗股市都係銀行股嘅天下，道指升穿8000關，如果突破埋8200，就可以推向8500水平。
港股今日放完假，好有機會大幅炒上，恒指先上試15100，破位就睇15500。
滙控C輪16194：滙控（005）喺外圍造得唔錯，上禮拜四嘅ADR升逾54元，短線阻力喺58至60元，如果花旗銀行股繼續炒上，滙控有機會升破60元，可以諗吓隻C輪16194，現價11.5仙，有效槓桿2.8倍，正股升上60元，16194有機會見17.8仙，正股跌穿47元，就沽咗隻輪止蝕。
俊樺