周日晚仲喺公司，眼見桑坦德領先1:0之際，即時為畢傑打氣，可惜最終打少一人之下，被貝迪斯反勝3:2，〈開倉版〉未能5連勝。不過唔緊要，小弟有信心今期開始又可以連勝過。
正所謂寧買當頭起，大阪櫻花喺日乙贏到開巷，周三主場對「新丁」岡山綠雉，至少都數到3粒，「讓球主客和」嘅「主勝」開飛有1.9倍，遲買就唔會再有咁好分。
岡山綠雉唔夠班
大阪櫻花日乙開季至今7戰取得6勝1和，和波個場係4月頭對甲府風林，只賴撞到國際賽期，櫻花中場兩名主力乾貴士同香川真司入選日本國家隊缺陣，戰力大損先失分。
雖然櫻花6場勝仗中，只有揭幕戰對鳥棲砂岩炒4:1，其餘都係小勝一球；不過以香川真司、路爾斯馬天尼斯等攻擊球員在陣，唔信今次主場又小勝。
岡山綠雉屬3支今季加入日乙嘅球隊之一，開季至今就證明唔夠班，7場波都未贏過；雖然兩次輸波都係輸一球，但今次對手轉強，而且川原周剛、野本安啟等傷兵，今次預咗畀櫻花摧殘。
赫根點擋哥登堡
配腳方面，揀夜場嘅兩支瑞超球隊單W；其中上仗大勝佐加頓斯6球嘅哥登堡，就要作客赫根；以赫根呢支升班馬兩連敗，後防失波數字亦多，今次點擋哥登堡。
另外，咸史達斯主場對另一支升班馬布洛馬波卡納，一樣可以贏波，1.65倍主W可以串埋。
牽牛
早飛王貼士
星期三2大阪櫻花vs岡山綠雉
首選：大阪櫻花勝[-1]（1.9）
次選：大阪櫻花[半勝]（1.8）
冷選：大阪櫻花勝4:1（17）
早飛倉
主菜：星期三2 大阪櫻花勝[-1]（1.9）@2,500
渾水摸魚過關：星期三2大阪櫻花勝[-1]（1.9）x星期三11哥登堡勝（1.57）x星期三12咸史達斯勝（1.65）3x1@500
今日早飛價錢：$3,000
上日賺蝕：-$2,500
早飛倉結餘：$82,305
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三13波圖vs曼聯
力爭成為4冠王的曼聯，在歐聯8強首回合失掉兩個作客入球予波圖，今仗在火龍球場必須入波才有望出線，馬捷達又能否再做福將？
星期四8馬賽vs薩克達
馬賽剛在聯賽大勝格勒諾布爾4:1，升上法甲榜首，周四在歐協盃8強次回合，又能否收復首回合輸0:2予薩克達的失地？