估唔到鞏俐連籃球都啱喎！上星期六，佢同兩位女性朋友去咗美國新澤西Izod中心，欣賞新澤西網隊對奧蘭多魔術隊嘅NBA賽事，佢坐喺最前排位置，梗係啦，要幫網隊主將、亦即佢同鄉易建聯打氣嘛！早排阿聯狀態麻麻，長期坐冷板凳，呢日有靚女打氣，人都醒啲，仲協助網隊贏波㖭！場波打完，阿聯第一時間衝去同鞏俐見面，搞到鞏俐被阿聯隊友誤會係佢女友㖭！