白韻琴和老公謝偉俊（Paul）早前傳出婚變，消息指內地索女徐程程藉電郵親近Paul，據悉白姐姐得知後自編自導自演踢爆件事，盼女方知難而退，令Paul不滿。
不過，白姐姐和Paul事後仍結伴到澳洲處理私務，他們昨日傍晚返到香港，問到此行有沒有增進感情？白姐姐說：「平常一樣，冇加冇減。」之前傳Paul搬開不和白韻琴一起住，問到Paul是否已搬回愛巢，他表示不會回應私事。雖然他們堅稱彼此沒有問題，但二人沒有拖手或搭膊頭，態度疏離。
唐僧肉爭住食
對於被指自編自導自演，白姐姐笑說：「冇呀，我邊有咁叻。」問到徐程程還有沒有聯絡Paul？Paul說：「一向都冇聯絡。」白姐姐不忘大讚老公說：「以Paul咁嘅人，好多人主動埋佢身，鍾意佢都唔出奇，佢咁高大威猛溫文爾雅，邊會冇興趣，好多人都鍾意食唐僧肉。」在旁的Paul也感到不好意思，叫白韻琴不要再說，之後兩人坐車離開。
採訪：魯萍、何永寧
攝影：陳俊強