張永霖噚日喺佢港台個節目度話，近來個節目嘅收聽率不斷上升，每星期有成11至12萬人聽佢噏嘢，對此佢感恩之餘，亦好詫異，唔明點解咁多聽眾鍾意聽佢張永霖長篇大論、胡說八道，仲話有報館高層都係佢粉絲㖭。
除咗曲線賣花讚花香之外，張永霖又不忘分享個人奮鬥經驗，佢自爆當年喺國泰打工，有上司唔滿意佢張枱太亂，失驚無神幫佢清場，搞到佢張永霖想打對方兩拳。但佢企喺騎樓不斷反思，決定「吸一啖大氣忍咗佢」。後來到94年離開國泰，張永霖話要「多謝」當年國泰位英國大班用好「狹隘」嘅態度對待佢，否則佢唔出走，就冇今時今日嘅發展喎。