泰國爆發大規模示威，曼谷進入緊急狀態。身在當地的榮文蔚大無畏繼續旅行，原定去曼谷的拉姑則因應治安延期出發，早前在泰國拍廣告的琦琦更遇上示威者，幸好當時未爆發衝突，她才順利離開。
泰國爆發反總理阿披實的紅衫軍示威，前日衝散芭堤雅舉行的東盟峯會，昨日曼谷也進入緊急狀態。泰國是港人旅遊熱點，適逢復活節假期及當地潑水節，不乏明星名人在此度假。
「都會照出街」
榮智健姪女榮文蔚和老公阮偉文仍然身在曼谷，絲毫不擔心，她昨日表示會繼續原定的行程，她說：「OK喎，我哋喺市中心，又冇遇到乜嘢示威，唔擔心，唔會提早返。」曼谷市面出現裝甲車及進入緊急狀態，榮文蔚說：「知道㗎喇，都會留意情況，但都會照出街，因為真係冇乜事。」她透露感受不到緊張氣氛，酒店也沒有特別加強保安。
狄波拉原定在本月赴泰國參拜四面佛，她也因應治安改變行程，昨日她在電話中說：「呢排因泰國局勢未明朗，早前已經睇到有暴亂會發生，我咪唔去住，等平靜番先再去。」
陳可辛的父母一直住在曼谷，兩老早前來港探望兒子一家。陳可辛昨日說：「泰國政變好似家常便飯，不過都係局部地方有事，其實影響唔係咁大，上次機場有事我父母都冇嘢，佢哋今次嚟香港都唔係為咗避暴亂，只係嚟探吓個孫女。」
琦琦嚇餐飽
琦琦上星期去曼谷拍廣告，上周四（9日）離開泰國時，就遇上近萬人在市中心聚集，雖然未受影響，但事後都非常驚。身在日本的她說：「我本來一早就走，後來留多兩日喺泰國買吓嘢。9號朝早見到好大堆人圍晒喺四面佛嗰度，我個助手出咗去搞行李，好緊張打電話畀我，叫我唔好出嚟，話有成萬人喺街唔知做乜事。之後去機場都冇乜影響，但有啲遲走嘅朋友就因為後來封咗高速公路上唔到機。」
琦琦謂由於群眾都不是穿紅衫，所以不知是示威者，她說：「後來聽講先識驚，話應該係啲鄉下人嚟咗市區，先開始集會咁，好彩都冇事。」而上周去泰國布吉拍泳裝照的樂基兒，也未有遇上示威。她說：「我係去布吉拍廣告，地區唔同，所以好安全，完全冇影響。」
採訪、攝影：顏英儀、李全
