坦白講，由做女開始到家做埋阿太都幾十年人，靚車貴車超級名車都揸唔少，惟未揸過電車。大家唔會以為係行咗上百年嘅「叮叮」咁叻叻啩？大家有無留意早排PolyU研發出第二代MyCar咩，聽講最高時速70公里，可惜係無冷氣。之不過，用得電行即係環保車，環保車又裝冷氣，似乎有點兒衝突吧！
其實三菱舊年已經可以量產以電做動力嘅私家車，仲有少數可以獲准行走市面㖭！香港出品未能「出街」嘅其中一個原因係同政府未傾掂。話說回來，人哋係汽車企業，無論人才資源都較校園來得充裕，但二代車仔都足以證明香港其實係有潛質同人才研發汽車啦，最欣慰嘅係無白費我呢啲交大筆稅嘅納稅人嘅血汗錢，為表示支持呢班後生仔女，我就算唔揸單係買返屋企擺都好呀！
文：大姨媽