懷孕38周的姚嘉妮雖然已接近預產期，不過這個準媽媽仍然十分活躍，日前她便在媽媽和契媽陪同下，到尖沙嘴選購嬰兒用品，作產前最後衝刺。姚嘉妮表示夫婿林祖輝特別吩咐要替他挑選一條孭帶，方便日後他揹着囡囡周圍去。
現年30歲的姚嘉妮和比她年長13歲的林祖輝結婚兩年多，享受夠二人世界後，夫婦便積極造人，本月家中將添B女新成員。準媽媽姚嘉妮日前更出巡尖沙嘴，挑選嬰兒用品。
母親幫手湊B
距離本月底的預產期越來接近，姚嘉妮的心情也開始有點緊張，為了方便廿四孝爹哋林祖輝日後幫手湊女，姚嘉妮在嬰兒用品店向售貨員細心查詢孭帶詳情，以便林祖輝日後可以帶着囡囡外出遊玩，最終她看中了一條價值1,499元的孭帶，又選購了BB車、搖床和一些日用品，收穫豐富。
姚嘉妮雖是生第一胎，但她表示身邊有媽咪和契媽貼身照顧，故可安心迎接小生命來臨，她說：「生完BB，我媽咪同契媽會嚟幫我手湊BB，我又成日同安仔（郭晉安）、吳家樂同曹永廉交流湊仔心得，而且我哋幾個啲小朋友年紀都好接近，遲啲仲可以搞一個babyplaygroup㖭。」
預計自然分娩
姚嘉妮續說：「家嘅心情都好期待同興奮，醫生同我講BB隨時都會出世，我都想到時可以順產，但係醫生就叫我唔好諗咁多住，BB會順其自然出嚟，冇得強求。不過我老公就好心急，好早之前已經話要陪我入產房，又砌定啲影相工具，我仲笑佢到時咁多嘢可以做得邊樣先。」她透露會在沙田仁安醫院生產，那裏正是千億新抱徐子淇產女的醫院。
至於囡囡的名字，姚嘉妮說：「我哋諗住會搵相士幫手改名，或者到時諗定幾個名，再畀相士睇。」
採訪：何慧斯 攝影：陳慧安