香港大學女生陳巧文發起校園簽名運動，要求港大男生兼學生會會長陳一諤就六四言論道歉。港女陳巧文喺《香港獨立媒體》網站呼籲同學星期二起聯署，要求陳一諤認錯。港男陳一諤都不甘示弱，喺自己網誌《天下為公》刊登「嚴正聲明」，死撐「本人並不認為自身日前有關八九民運的立場與觀點有任何偏謬之處。」
《福佳始終有你》創作人林忌就實行送陳一諤一程，佢喺facebook成立咗個小組，名叫「送陳一諤去登陸南沙群島捍衞國家主權」。林忌話，陳一諤講過本港學生唔知咩係民族大義，既然最近南沙群島再被菲律賓同越南佔領，身為港大學生會嘅會長，陳一諤好應該走去菲律賓同越南領事館示威，唔好「走佬」呀。