復活佳節，今日心水傾向支持強隊「派蛋」應節；荷甲傳統球隊飛燕諾上仗輸得寃枉，今次主場對作客例腳軟嘅荷華高斯，信「飛仔」至少派3蛋。
飛燕諾季初一度跌至榜下游，不過又點會死到呢啲傳統名牌，一換教練後，飛燕諾連番搶分，家唔愁降班之外，更有望爭取歐協盃附加賽資格。當然「飛仔」都有湯馬臣、約拿芬迪根斯文等傷兵，不過難得中場大腦蘭沙特已經復出，老牌射手馬卡爾又「弗」，以荷華高斯今季踢咗15場作客聯賽，竟然輸足10場，「飛仔」唔大炒等幾時，一於揀3:0同4:0，各有9倍同15倍；當然飛仔「讓球主客和」「主勝」亦都唔好放過。
吼希杭華倫對碰3:2
日乙方面，留意咗幾支今季先加入嘅球隊好耐，似乎唔太夠班踢日乙，比較好少少嘅富山勝利，6場波都只係1勝2和3負；今次札幌岡薩多主場對富山勝利，札幌岡薩多話晒上季都踢緊日聯，變相相差兩皮波，無疑札幌岡薩多開季成績欠佳，踢6場波都係贏一場咁大把，但今仗主W只得1.72倍，莊家擺明對札幌岡薩多全取3分有信心，正路波膽博岡薩多贏1:0同2:0，不過岡薩多攻力平平，半場入波唔多，熱熱哋要半全場「和/主」。
最後揀希杭對華倫，兩隊入得又失得，要總入球「5球」，兩邊3:2都收錢。文：牽牛