今時今日，本地波喺港聞版出現，離不開負面消息，點估到一代球星「豆沙喉」幾乎走上絕路。
我喺胡國雄水尾年代開始迷戀過本地波，其後經典中場計有鄧錦添、山度士同埋「豆沙喉」，後者當旺時嘅港隊，曾喺94世盃外打贏巴林，家陣？差人幾皮！除咗好波，佢拍過健康飲品廣告，而轉踢流浪時有球迷帶佢張大海報入場，真係威到盡，唉……
近期寫乜衰乜，寫F1話題後個賽事一波三折；早排忽發奇想寫本地波，又係多事之秋，似乎我係地獄黑仔王。好在貼士唔差，今撐博洛尼亞振作，順便祝福「豆沙喉」振作。
主客和：博洛尼亞勝
心得：否極泰來
近5場往績：WWWLW
藍鑽石
與簡拿華路同日出生嘅囡囡入學，今季大把時間睇波，尤其係意甲。