讀書的時候，只知道復活節要復活蛋復活兔，想不到世界各地對這節日，比復活蛋上的花飾更精采！在這個耶穌復活的日子，我哋要潑水！要放火！要易服周街走！全世界七國咁亂撥亂反正！嘩哈哈哈哈哈！
記者：陳慧敏
靚女唔肯去……
潑水象徵潔淨、信仰更新以及洗清罪孽，所以喺今日全世界好多地方，各種宗教儀式完結後都會爆發轟轟烈烈的水戰，意義大抵來自主教聖水灑頭的Ex-升級版。喂我幫你洗衰氣喎，你唔係嬲，發教主脾氣吖嘛？
泰國─新年及潑水節SongkranWaterFestival
日期：一般是4月13-15日，不過由今日起至19號都有可能被突襲。
要玩去基吧
泰國是個佛教國家，復活節被瘋癲的潑水新年取代，你射我一個水彈我回你一桶水，祝福你新年快樂身體健康。正當我興致勃勃想買水槍參戰時，幾個20歲泰國靚女PR七嘴八舌好似講緊鬼古咁。「Wedon'tgothere！」點解呀？靚女A：「會俾人摸到滿身都係代表如意吉祥的香粉，但更多是求其拿到一手麪粉漿，一見人就咬牙切齒『HappyNewYear！』咁捽到你臉上，都唔知乾唔乾淨！」靚女B：「啲男人仲會大條道理摸你呀！」咁黑暗？靚女A：「去GayBar囉！多靚仔，又玩得，又唔會乘機博懵，仲有酒飲㖭！」由SilomSoi2玩到Soi4，換件泳衣再去RCA大街玩通宵。這個時候幾靚仔亦自認好靚仔的N沉默，「咁咪到我唔去得囉！」噓~~~
菲律賓─復活節下水禮
日期：4月12日星期日望彌撒後
虔誠的教徒呀，晨早去教堂望完彌撒祈完禱，即刻剝衫剝褲，跳海啦！
捷克─用柳枝打你
日期：4月13日星期一
同用碌柚葉洗塵一樣，象徵賜福的柳枝一打一祝福，祝你福澤安康、富貴榮華、連生貴子……
匈牙利Mezokovesd─水之女
日期：4月15日星期三
匈牙利的Mezokovesd，換上民族服做完唱歌跳舞儀式後，男的追住女的潑水，之後女生還要笑笑口送隻畫得靚靚的復活蛋給潑水者，以示感激。
放火燒衰氣！
基督教的節日，好多時都要點蠟燭，以示燃燒主人的遺體，另一方面都表示帶來光明和新希望，所以全球有好多越搞越旺的點火節目！
羅馬──聖十字架路
日期：4月19日星期日
復活節在羅馬鬥獸場外，會架起巨型十字架，並「蓬」一聲點着火把，以引領城內教徒，成就一條聖十字架路ViaCrucis。
希臘Agrinio──教會流星雨
日期：4月19日星期日（東正教曆法跟美國曆法不一樣）
希臘的復活節最激！兩個不同的教區會互射小火箭以示祝福！城裏教堂的天空像近距離的流星雨！
德州──真人十字架
日期：4月10日星期五
好多宗教地區都會有真人扮耶穌釘十字架的劇目上演以作紀念。德州這3個扮耶穌的人，一釘便是7個鐘，釘前半年還須鍛煉體能，為捱苦作準備。
德國──滾山大火球
日期：4月12日星期日
德國會把耶穌的肖像用Slide投映在教堂牆壁上。
滾蛋童真
過時過節，有時紀念邊個都係假，不過係畀個機會大家發癲狂玩，抒發壓力與怨氣，然後努力等下個節日再發癲玩過吧！這算是宗教信仰以外，古人留給我們的禮物吧。
華盛頓──白宮轉蛋
日期：4月12日星期日
每年白宮都會搞嘉年華，開放給當地小朋友入去搵復活蛋、碌復活蛋。不過入場票在網上一開售幾個鐘就賣晒。
加州──集體扮狗
日期：4月11日星期六
貓貓狗狗都有被赦罪的權利，加州的狗主同狗狗合二為一拍住上！
波蘭──急急腳運雞蛋
日期：4月11日星期六
幾百年來波蘭人每個復活節星期六都會帶香腸、麪包、蛋、鹽同胡椒到聖堂祈福給家人吃，現在則是小孩換上民族服，比賽鬥快「送外賣」。
澳洲悉尼──RoyalEasterShow
日期：即日至4月22日
借放假狂玩啦，整個show由農業展加遊樂場加美食巡遊結集一齊，實行全球四月同玩。
