馮仁昭四圍超
男同學爆豪放史　33F瑤瑤課室換衫任 - 馮仁昭

年僅18歲、擁有33F上圍嘅台灣o靚模郭書瑤，由於天賦童顏巨乳刮起一陣旋風，近排頻頻被起底，一時傳佢未成年做陪酒女郎，一時又話佢撬人牆腳，負面新聞多多，但無損佢嘅人氣。
瑤瑤日前喺台灣錄影羅志祥（小豬）主持嘅節目《娛樂百分百》，製作單位搵嚟佢以前就讀嘅松山工農夜校男同學爆料。瑤瑤被爆好鍾意喺課室換衫，但全班得兩個女仔，呢個豪放舉動當然引嚟男同學嘅注目。

12歲被偷吻

對於喺課室換衫任人睇，瑤瑤話：「我懶得去廁所換衣服，加上平常又喜歡穿男生寬大的衣服，反正都會套兩件，所以換衣會直接從領口把裏面衣服抽出來。」小豬見瑤瑤講到咁興奮，佢竟然扮將裙套喺褲外面，然後再除褲嘅動作，瑤瑤睇到眼都唔眨，拍晒手話：「對對對，我們就是這樣換。」
瑤瑤自爆15歲初戀至今，共拍過三次拖，次次都係男友劈腿致分手。佢形容感情生活好任性，仲話12歲俾人偷吻，結果兜巴摑人。馮仁昭覺得瑤瑤都好識保護自己，相信邊個想手多埋身，一定冇好下場。