現正懷孕8個月的日本女星宮澤理惠，自今年2月宣佈未婚大肚以嚟，BB經手人一直身份成謎。昨日出版的新一期日本雜誌《FRIDAY》，終於偷拍到理惠未婚夫的廬山真面目。兩人喺上月尾，被偷拍到喺東京六本木十指緊扣行街。雜誌話理惠未婚夫身形健碩，外貌仲同理惠舊愛貴乃花嘅大哥花田勝相似㖭。