錢嘉樂噚日凌晨接受商台節目《嘩！嘩！嘩！打到嚟》訪問，提到同舊愛李珊珊（左）嘅八年情係最長嘅一段，家間中諗起都覺得有啲嘢冇咗搵唔番。由於真係相處唔到，最後決定分手，好彩都可做一對有傾有講嘅朋友。嘉樂仔好大方講及李珊珊，但對於緋聞女友湯盈盈就表現避忌，主持問佢同盈盈有冇前景，佢話：「暫時要宏觀吓先。」