本報娛樂版早排介紹經典港劇《大時代》，呢齣劇我當然有睇過，但最有印象嘅唔係飾演丁蟹嘅鄭少秋，而係做大仔丁孝蟹嘅邵仲衡，一來係因為佢喺劇入面做社團「忠青社」嘅「揸弗人」，佔戲幾重；二來覺得佢個樣同本報客席名家丘建威有啲似。至於做二仔丁益蟹嘅陶大宇亦都係印象難忘，點解？皆因佢個角色夠賤囉！不過都咁多年，劇入面好多演員，家都冇再喺娛樂圈打滾。
言歸正傳，恒指升番啲，但我就繼續沉底，上個禮拜推介山葉上盤衰咗，今個禮拜再攻日本波，要強勢嘅廣島三箭。話時話，三箭後衞槙野智章都幾型，十足十啲Johnny仔咁，球迷不妨留意吓佢。
主客和：廣島三箭勝
心得：三箭3線識入波
近5場往績：LLWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。