球季進入倒數階段，亦係波衫減價嘅時候，唔少球隊嘅官方網站都大字標題，將佢哋嘅主場、作客波衫大平賣，實行益球迷。
好似車仔咁，因為下季主場同作客都轉款，所以將今季藍色主場，同埋黑色作客兩件全部半價出售，二百幾就已經有交易。至於紅軍，下季依然用番今季嘅主場款，所以冇減咁多，但灰色同綠色兩件作客就減到只係賣20鎊，所以好多size都賣晒，有興趣嘅可以睇吓本地波衫舖會唔會都做緊減價。至於最平嘅見過英冠雷丁個官網，不論長袖或短袖波衫都減到10鎊，超抵！近期幾鍾意捧史篤城，護級大戰對紐卡素，主場平手值捧。
讓球：史篤城（平）
心得：主場硬淨護級更搏
近5場往績：WLLLL
戰鬥員A
同足球有關嘅周邊物品都鍾愛，賭波就專攻日職聯。