隨住本港大學國際化，除咗請校長之外，就算請院長都要全球招聘。有學者同八方講，全球出色、年輕嘅華人學者其實唔算多，而楊振寧學生、史丹福大學物理學系教授張首晟就係其中一個；除科大高研院邀請佢做院長之外，中大理學院都對佢虎視眈眈。
有知情人士話，主要成員包括著名物理學家楊振寧嘅中大理學院院長遴選委員會，決定力邀張首晟。當大家以為師傅出馬搵徒弟，就十拿九穩，但結果被張教授婉拒好意。
張首晟來頭真係唔細，係新一代最有前途物理學家之一，今年46歲，佢15歲入復旦大學，20歲跟楊振寧讀博士，三十出頭就成為史丹福大學終身教授。家喺上海有個實驗室，據聞月薪高達40萬；港大校長月薪都唔夠20萬，淨睇賬面都好有理由違抗師命。