【本報訊】荃灣區多條專線小巴線，最近一個月收到大批自製的假5元硬幣。這批假5蚊的製造方法異常簡單，就是將兩個1元硬幣用膠水黏在一起。兩個1元變成一個5元，騙徒每搭一程車就可以「慳」3元。有小巴司機直言，經濟環境不佳造就了這類騙案。
港九新界公共專線小巴聯合總商會主席梁雄表示，自上月初開始，新界區多條專線小巴在乘客的車資內，分別發現假5元硬幣：「兩個1蚊黐喺一齊，有啲用雙面膠紙，有啲用強力膠水，睇落去好似一個5蚊。」梁雄說，假5元硬幣的兩面都是紫荊花圖案，若被投入小巴錢箱不易察覺。
屯門43線小巴重災
梁雄指出，收到5元假幣的重災區是屯門市中心來往掃管笏的43線小巴，以及青龍頭至荃灣的302線小巴，一個月來收到近50個假5蚊硬幣，「每搭一程變相慳咗3蚊，來回慳咗6蚊。」他說，業內人士都相信因為近期經濟環境欠佳，造就了這類騙案，所以被騙的多名小巴司機至今都沒有報警。「好多司機當係收少咗錢，蝕咗算啦。」但會在站頭及車廂內貼出通告，提醒乘客付足車費勿以身試法。