林志玲、周杰倫同曾志偉（左）噚日喺寧夏冒住大風沙趕拍新片《刺陵》，唔單只風沙打落塊面度又痛又痕，加上紫外線又強勁，唔使埋位時，林志玲都會將自己由頭包到落腳，兼且着埋羽絨又擔遮，但皮膚仍然黑咗唔少。最慘係佢返到酒店，想話好好梳洗吓、點知沙漠缺水，個熱水龍頭要打開15分鐘先有水出，水量仲好鬼少，對佢嚟講，簡直受罪啦。