前晚是賭王何鴻燊和三姨太陳婉珍「結婚」31周年紀念日，假珍寶海鮮舫筵開26圍，除了囡囡超雲拖新歡何敬豐、龍鳳胎超蓮和猷啟出席外，一眾親友及張耀榮等均有到場慶祝。主人家三姨太當然扮到靚，身穿EmilioPucci彩色圖案裙及手拎JudithLeiber水晶晚裝盒現身。
自爆送鑽石
席間賭王上台致辭，自爆送了鑽石給三姨太作禮，又大讚她為人，更公開向全場說：「下世都要娶番呢個老婆呀！」到三姨太冧晒，笑住回應說：「咁我下世都要嫁番畀呢個老公。」來賓之一的張耀榮說：「呢晚氣氛好好，好熱鬧，何生上台講嘢都好幽默㗎啦。」問他有否羨慕賭王享齊人之福，他笑說：「何生有錢又浪漫，先有咁嘅福氣啫。」
採訪、攝影：娛樂突發組