拍檔牛兄早兩日同我講：「買川崎前鋒啦！頂多輸半格啫！」結果佢早飛推介上盤，前鋒就喺亞冠盃數夠中岸水手5球，加埋我先前嘅彼德堡同浦和紅鑽，令本欄連中幾期。信心返嚟，再玩番西甲地盤，信多一次桑坦德，主場搞掂貝迪斯。
貝迪斯呢排黑氣前身，教練查柏路日前都俾球會炒埋，要由B隊教練路古斯暫時頂上。當查柏路離隊後，眾將都忍唔住話：「我哋今次完喇！死梗啦！」就知呢位教頭喺球員心目中，有番咁上下地位。
上周主場對住升班馬紐文西亞，貝迪斯只能夠賽和3:3，防線差過乜。最重要係首席門將列卡度彭利拿同守將尼爾臣奧古斯圖齊齊領紅被逐，周日肯定要停賽；而1月回巢後係咁入波嘅奧利華拉，都累積夠5面黃牌要坐波監。
貝迪斯傷射手炒教練
畢傑仲未數完貝迪斯嘅不利條件，首席射手沙治奧加西亞喺上場入波後，走去慶祝嗰陣整傷埋膝部，家陣要唞成個月；要知道奧利華拉同沙治奧加西亞兩位射手，今季合共入咗13個聯賽入球。今場炒完教練、3件停賽、又冇埋首席射手，點惡得出樣？桑坦德假假地都有個當「弗」射手施積，又有機會爭歐洲賽資格，1.85倍主W好穩陣，[-1]直頭揀埋3.4倍「主勝」啦！
呢排見玩日本波手風順，揀場日乙做配腳。札幌岡薩多今季由日聯降落乙組，亦未見有任何超班現象，開季1勝1和4負足見一切；周日迎戰富山勝利有兩位外援基爾頓同丹尼爾臣停賽，睇情形讓唔起對手。富山勝利勝在可以「夫添」，而佢哋後防一向幾硬淨，6戰失咗4球啫，要不敗應該做得到，揀[+1]嘅2倍「客勝」。文：畢傑
早飛王貼士
星期日31 桑坦德vs貝迪斯
首選：桑坦德勝（1.85）
次選：桑坦德勝[-1]（3.4）
冷選：桑坦德勝3:1（14）
早飛倉
主菜：星期日31桑坦德勝（1.85）@2,000
渾水摸魚過關：星期日11富山勝利勝[+1]（2）x星期日31桑坦德勝[-1]（3.4）2x1@500
今日早餐價錢：-$2,500
上日賺蝕：+$4,389
早飛倉結餘：$85,305
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六13 利物浦vs布力般流浪
紅軍剛在歐聯不敵車路士，錄得今季首場主場敗仗，周六返回主要爭標的聯賽戰地，被安排在早場上演，紅軍體力肯定是關鍵。布力般能否做攔路虎已是周六焦點之一。
星期六21 拉素vs羅馬
羅馬市打吡戰。拉素近年迎戰羅馬多數演入球騷，6戰共開出4「大」；至於首循環羅馬主場1:0擊敗拉素，該戰共有兩名球員領紅被逐，足見打吡戰火藥味濃。
星期日22 阿士東維拉vs愛華頓
英超第5、6位的前列大戰。52分的維拉暫排第5，已落後第4的仙奴6分，而他們上場作客曼聯僅敗2:3，但已4連敗；51分的愛華頓則排第6，如贏波即能反壓維拉。