趙碩之昨日出席在紅磡舉行的烹飪活動，不過她今次不會化身美女廚神，只是充當兩名來自內地的小廚神孫榭君和黃文可的助手，她笑稱本身廚藝麻麻，但稍後都有份參與《美女廚房》，問她有否想過到時會與地獄廚神扯上關係？她只笑說：「就算識同唔識煮嘢食嘅人都可以好可愛，唔一定做好太太先得人鍾意。」
趙碩之又表示日前與一班朋友去踏單車，不過因為技術麻麻而鬧出不少笑話，她說：「本來我諗住低調啲同班朋友去玩，點知我唔係好識得控制部單車，搞到我喺度嘩大叫，最後仲俾人發現我係趙碩之，最慘係成班朋友入面，其中一個仲係我嘅追求者，我諗佢見完我咁冇儀態之後，睇怕都冇下文。」
採訪、攝影：何慧斯