內地精品酒店喜歡搞Gimmick，最受落的可能是後生仔女Blogger，見間酒店型型哋，就影多兩張相擺上Blog，變相有人幫酒店做免費宣傳。像上海新開的鴻酒店，雕鑿位不在外殼與大堂，而在房間，全酒店有15個主題房，有女士們喜歡的HelloKitty房、柯德莉夏萍房、以及富陽剛味的披頭四房等等。睇相，我對柯德莉夏萍房最有印象，床上兩個大頭Cushion夠搶眼，住喺入面應該會有金絲雀嘅感覺。港龍假期家做緊新酒店Package，兩晚鴻酒店住宿連每日早餐及來回機票，盛惠$1,599起，有心水房間想住，記住提早入紙！
記者：劉嘉蕙
查詢：27476070（港龍假期）