富商鄧劍群的三奶李姿霆（Karen）昨日39歲生日，近日與黃長發打得火熱的她樂得繼續風騷，還自爆男友會替她搞神秘生日派對，大送驚喜。Karen為劃清與鄧劍群關係，更以全家性命和財產發毒誓，堅決否認翻兜富商博泵水。
富商鄧劍群不滿三奶李姿霆（Karen）戀上港男黃長發，日前入稟向Karen追討過往相贈的多間物業，二人再見不是朋友，稍後還會對簿公堂。雖然備受官司纏擾，但有新歡黃長發呵番的Karen一於愛情大過天，昨日更自爆黃長發已安排替她搞神秘生日會。
「難得離開老人家」
近日有消息傳出黃長發計劃與Karen假分手，讓她翻兜鄧劍群繼續泵水，然後她再打本給黃長發開法國餐廳。Karen昨日直認早前的確向鄧劍群發短訊，她說：「因為我知佢約咗我個女去食過飯，我想多謝番佢，我仲同佢講家大家都傷害過大家，我始終都接受唔到佢有老婆，但生命好短，唔想再係咁鬥落去。我咁難得先可以離開個老人家，做番自己，佢有乜咁巴閉，我點會翻兜佢。我敢用全家性命同財產去發毒誓，我一定唔會返去鄧生身邊。」Karen否認鄧劍群有給囡囡數萬生日利是，她說：「我澄清得幾千咋。」
昨日39歲生日的Karen表示生日願望是以後可以開心過活，她說：「我家唔諗咁多，專心打好官司先。今日生日，我知阿發安排咗神秘生日派對，會有幾十個朋友參加。」
長發搵到工都唔做
黃長發承認昨日會與Karen過生日，但禮物卻沒準備好，至於他早前曾透露本周一到上環一間法國公司當會計員，但為何昨日又陪女友賀壽？他在電話說：「我未返工，嗰份工hold住，我想再揀下先。」經濟上維持得到嗎？黃長發說：「冇問題，我有物業，有錢收緊，我一向都有投資。」對於有指Karen會打本黃長發開法國餐廳？他說：「我唔鍾意搞生意。」
採訪：比華利