近年o靚模崛起，一班o靚界女神除出席活動和拍攝廣告時鬥靚外，近日更演變到開blog鬥法，當中包括兩代邦民女陳嘉寶（Anjaylia）和梁寶琪（Crystal）網上打擂台，前者晒靚相賣性感，後者則sell感性。日前在中環遊街拍剝衫纖體廣告致人氣急升的周秀娜，除低胸裝任賞，更大晒拿手tiramisu。
o靚模近年成為娛樂圈生力軍，接job多又曝光率超高，這股o靚界新勢力更進佔互聯網廝殺。最近施念慈和男友Alex聯手創辦了一個部落格網站JacsoBlog（ http://www.jacso.hk/summary.php?op=BlogList&blogCategoryId=3），找來多位o靚模助陣開blog，當中包括兩代邦民女梁寶琪和「大眼楊丞琳」陳嘉寶、周秀娜、「翻版大S」李莉琳（Liz）、「翻版邱淑貞」賴慧敏（Isabel）、「翻版陳慧琳」彭慧君（Alice）及裴殷（A.lin）等。
投資6位數
o靚模開blog吸納fans，網誌內容包羅萬有，27歲的第一代邦民女Crystal玩感性，博文盡訴心中情；新鮮出爐的09年邦民女、現年19歲的Anjaylia則張貼多張性感造型照，以及自己16歲出道時的甜美Barbielook。
至於日前着三點式遊中環拍廣告的周秀娜，人氣狂升，開blog少不免放開胸懷騷性感照，還不忘showoff親自炮製的tiramisu；其師妹A.lin也不輸蝕，剛亮相《美女廚房》的她大受o靚友支持，博客上不乏性感相片。至於「翻版大S」Liz、「翻版邱淑貞」Isabel和「翻版陳慧琳」Alice則全力賣靚樣。
今次成功請來一班o靚模網上發威，身為站主的施念慈出錢又出力，據悉她投資達6位數字，前晚她在電話中說：「整呢個blog嘅錢係犧牲咗一層細樓嘅首期，暫時係蝕本貨，但互聯網越嚟越發達，我會畀心機心整理，第日可能有回報。」
採訪：葉雪
