參與滙控（005）供股之散戶，新股今日就會到手，滙控昨日收48.35元，供股價28元，即係有錢賺，至於有幾多散戶會食糊，相信要睇大市氣氛而定，假如個市再插，多少都會動搖到散戶持貨之信心。
有人話港股已經見頂。星俠對此論有保留，美股暫難有大作為，惟內地A股跌勢喘定的話，港股後市未必太差，散戶毋須太悲觀，但家陣入市要嚴控手上籌碼，畢竟逆市之下，跌市奇葩不易尋找，況且逆市炒股，要有「捱價」準備，如果買得太大，心理壓力太重就會影響判斷力。
上望2.75元
上海石化（338）去年勁蝕，公司剛發出盈喜，表示今年首季度錄得盈利，主要受惠油價大跌，加工成本下降，以及國家實施成品油價格機制改革。
上石化昨一度高見2.45元，收市跌0.02元，報2.30元。候2.20元水平「上車」，目標價2.75元，跌破2元止蝕。
方星俠