繼倪震被爆「孔雀開屏」後，昨日娛樂圈再有開屏事件，現年50歲的謝偉俊（阿Paul）被爆背着65歲的女友白韻琴偷食。有指謝偉俊接獲一名青島姑娘的示愛電郵，令他心癢癢，月前更遷出愛巢。白姐姐昨在電話中呼「唔好逼我」，並謂今日會交代事件。
白韻琴和謝偉俊相戀20年，近日卻傳出一名年約25歲、自稱任職舞蹈教師的青島姑娘徐程程（Michelle）介入這段姊弟戀，有指徐程程向謝偉俊發出挑情電郵兼風騷玉照，令謝偉俊為之心動，兩人不時透過電郵談心，發展一段電郵奇緣，還有意相約見面。
今日交代事件
徐程程的出現，頓時令白謝關係冰封起來，有消息指謝偉俊月前已遷出與白姐姐在銅鑼灣的愛巢。
昨日爆出分手傳聞後，平日對記者有問必答的白姐姐和謝偉俊，今次態度卻有着180度轉變，白姐姐昨日在電話中勞氣兼聲音沙啞地說：「放我一馬，唔好問我，你問當事人（指謝偉俊），求吓你，唔好逼到我冇路行，我係唔會回應。」
及後白姐姐再在電話中說：「多謝關心，今日（昨日）不便講嘢住，大家唔好再喺樓下等我，聽日（今日）我會出嚟講嘢。」
至於謝偉俊則索性把手機轉駁回律師樓，由同事代接擋駕，直至昨晚截稿前，他也未有回覆。交往期間，白姐姐和謝偉俊共同擁有多個物業，有指總值約9,800萬元，若二人真的分手，未知道會如何分家？
曾與白姐姐拍拖的蕭若元，他早前向記者回應倪震偷食事件時，曾與舊愛引爆罵戰，蕭若元曾揶揄白姐姐教「仔」有方，把年輕15年的男友謝偉俊教得事業有成。
蕭若元寸炒作
對於舊愛遭遇情困，蕭若元非但不關心，還暗示有人借意造新聞，他說：「我諗分手唔係真，e-mail嘅嘢可以製造出嚟，可信性好低，又冇證據影到阿Paul同個女仔，單料好兒戲，阿Paul過往都見好多世面，大把女可以埋身。」
採訪：比華利
