有日接咗對馬交拖友仔遊客，佢哋好奇問我點解香港的士有紅有綠。食飯時同衰婆阿鳳講番，佢聽完笑人哋無知，我反問佢一句：「咁你又知唔知點解澳門分黃、黑的士吖？」佢即時笠水無聲出。查實澳門「黑的」係可周街接客，而「黃的」只可電召，當然家陣澳門都無乜的士跟規矩辦事。
講開各地的士，老死孖三孖五單身寡仔，有錢就留番周遊列國，所以成日大吹各地嘅的士行情。除咗係人都知嘅大陸的車殘兼兜路外，就算新加坡咁文明發達，一樣存在揀客同態度差嘅問題。美國仲離譜，老奉要畀貼士，孖三孖五試過同個黑鬼司機講，幾毫子美金唔使找，點知人哋嫌少，一手扔落地下！佢話全球只得日本的士佬態度最誠懇，不過佢嗰次由千葉縣搭到落新宿，卒之千幾銀港紙埋單，算係佢呢生人最豪一次咯，唔知嗰個的士佬嘅態度，同支「旗」夠大有無關。
文：黃師傅