花旗股市前晚冇乜大變動，最新嘅民意調查顯示，花旗人民對經濟前景嘅信心好番啲，呢個調查會唔會刺激噚晚花旗股市造好，好快就知。
港股連升3個交易日近1500點，噚日跌番69點，成交唔夠510億元，開始有啲holidaymood，不過難得個市好番，相信班芬佬唔會顧住放假唔做嘢。兩大地產商相繼推新樓盤，要睇實地產股。
工行C輪4711：工行（1398）噚日報收4.26元，逆市造好，係支撐大市主力之一，隻股喺靜市成交都顯著增加，短線有機會上試位處4.60元嘅250日線，破位睇4.80至5元，可以諗吓隻C輪4711，現價42.5仙，有效槓桿4.5倍，正股升上5元，4711可見82仙，正股跌穿4.05元，就沽咗隻輪止蝕。
俊樺