華華同絕大部份就業人士一樣，希望收入多啲，同埋儲多啲錢。最近Visa做咗個調查，原來大中華區高收入人士都渴望提高個人收入同增加儲蓄。
調查發現，有88%大中華區高收入人士希望收入多啲，又有八成受訪者覺得儲備係佢哋首要理財方向。雖然華華唔係高收入人士，但都非常同意，因為無論係高收入定低收入人士，都梗係想搵多啲。不過，華華更加想知剩低嗰12%人點諗，唔通佢哋唔想增加收入？華華問過公關小姐，佢話調查容許受訪者有多過一個選擇，所以冇辦法知道冇揀呢欄嘅人點諗。
88%高收入人士冀搵多啲
調查又發現，四成中國受訪者仍願意喺有風險下投資，比例高過香港同台灣，反映中國高收入人士最願意冒險。發起調查嘅Visa亞太區消費者金融產品部執行總經理林達川話：「中國嘅高收入人士雖然較願意在投資上冒險，但他們都明白擁有不同投資項目十分重要。」