近期早飛手風轉順，連同畢傑兄連中3口，希望今期可以再接再厲；畢傑上周五命中紅鑽熱W，今次再向另一支日職球隊川崎前鋒埋手，作客中岸水手嘅亞冠盃分組賽，讓到平/半都要跟。
首度參戰亞冠盃嘅中岸水手，喺H組兩戰均和波，包括主場對浦項制鐵也僅和0:0；雖然水手賽前有好消息，中場艾列治可望復出，但因為柏祖夫斯基已改投噴射機，只好起用前鋒麥亞里士打正選，攻力大打折扣。
前鋒炮手狀態大勇
前鋒季初稍為脫腳，不過近期已有起色，近3仗都保持不敗，上仗大勝名古屋鯨魚，更士氣大振；而且今仗更可「夫添」出擊，一眾炮手鄭大世、域陀祖利亞、祖尼奴均大勇，而且比賽狀態遠比已處於收「咧」期的水手好，讓平/半家有1.98倍，以前鋒名氣，相信臨場會落飛，提早買定冇蝕底。
敲卡迪夫城屠「羊」
同日英冠獨腳戲，由卡迪夫城主場對打比郡；卡城上仗僅迫和史雲斯，不過呢場屬同區打吡戰，雙方都博到盡，卡城和波唔算失望，今次對手明顯轉弱，而且「公羊」打比郡處於17位，降班壓力唔大，論鬥志又點及得上要爭升班附加賽嘅卡迪夫城，主W開飛有1.72倍，以英冠球隊嚟講，都開得幾盡吓，睇嚟莊家對主隊攞3分都好有信心，串埋主W應該冇走雞。最後挪超聯單頭賽事，史達主場對洛辛堡，洛辛堡上仗被迫和，未能連捷，但球隊攻力仍在，而史達亦屬入得又失得球隊，1.72倍入球大穩開。文：牽牛
早飛王貼士
星期三2中岸水手vs川崎前鋒
首選：川崎前鋒（上）（1.98）
次選：中岸水手大（1.72）
冷選：川崎前鋒勝3:1（16）
早飛倉
主菜：星期三2川崎前鋒（上）（1.98）@2,000
渾水摸魚過關：星期三2川崎前鋒（上）（1.98）x星期三5史達大(1.72)x星期三8卡迪夫城勝（1.72）3x1@500
今日早飛價錢：$2,500上日賺蝕：+$555
早飛倉結餘：$80,916
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三6 利物浦vs車路士
利物浦與車路士近年常在歐聯交手，兩軍英格蘭中場謝拉特及林柏特近況亦佳，勢成周三歐聯8強首回合矚目大戰。
星期四5 漢堡vs曼城
曼城已成英格蘭球隊在歐協盃最後希望，周四作客漢堡的8強首回合賽事，必先解決作客不濟毛病；而曼城中場尼祖迪莊因今季曾代表漢堡踢歐協盃，今仗未能倒戈。