外圍股市造好，港股食住上個禮拜嘅升勢上試15000關，恒指最高報15147，但高位沽壓增加，中段掉頭回落至14800樓下，好彩隻滙控（005）硬淨，帶番個市上去15000邊收市。
滙控嘅走勢越嚟越靚，復活節假前港股喺滙控支持下，料可反覆造好。地產股噚日先升後回，整固後會再炒上，可趁整固收集。
中交建C輪14972：中交建（1800）昨收9.35元，升1.8巴仙，股價早幾日回試支持位之後再升，睇嚟會反覆推向位處11.18元嘅250日線，可以諗吓隻C輪14972，現價21仙，有效槓桿2.9倍，正股升上11.18元，14972有機會升上34.3仙，正股跌穿8.70元。就沽咗隻輪止蝕。
俊樺