長實（001）今年頭炮新盤天水圍栢慧豪廷，攞到售樓紙正準備開賣時，撞啱新世界發展（017）同期推出元朗翹翠峰，難免要上演爭客戰。噚日長實執行董事趙國雄煞有介事咁，攞住兩碗叉燒飯出嚟開記招，佢話家樓市氣氛好好，大家可以有飯齊齊開，一齊打孖賣樓都冇問題，仲話要將其中一碗飯送過去畀新世界食喎。
搵叉燒飯嚟玩gimmick，令華華即時諗起賭王燊哥，06年俾美國過江龍打得好慘嗰陣，都出動派叉燒飯畀賭場客仔呢招，希望搶番啲同胞客幫襯佢嘅賭場，據講反應唔錯，平均每日送出三千幾碗叉燒飯。
願與新世界分甘同味
長實今次攞叉燒飯嚟做宣傳，真係證明咗「橋唔怕舊，最緊要受」呢句話。唔知睇樓有冇叉燒飯送呢呵？