電盈（008）私有化獲法院通過，消息一出就見到「8號仔」旗下隻盈大地產（432）借勢炒上。
好多人卻為呢件事好激氣，但激氣都冇用，大家不如諗吓上訴嘅結果係點。星俠估計，今次電盈私有化最終一定會搞掂，點解？因為間公司之後點都會面臨被「拆骨」出售，或重新上市，總之，最着數永遠都係既得利益者，若然私有化搞唔掂，後面所有動作等同唔使搞，咁你話點會私有化唔到？無論點都會搞掂，散戶一定係大輸家。
現水平不值博
港股升近萬五點水平，一線股表現已有交代，散戶家陣要炒，不妨留意二線股。大連港（2880）公佈全年業績，純利升28%至7.8億元人民幣。大行中以瑞信較睇好大連港，目標價3.13元。
該股昨最高升至2.98元，收市報2.89元，升5%，3元明顯有阻力，建議候2.65元才考慮作中線投資，跌穿2.20元止蝕。
方星俠