上個禮拜，中信泰富（267）因為炒燶外滙accumulator事件，搞到商罪科都要插手，對於中信泰富嘅散戶嚟講，當然不滿，華華喺討論區見到，有股東聲稱，話已經寫咗封信畀中信集團董事長孔丹，要求佢炒咗中信泰富主席榮智健。
寫呢封信位散戶自稱Jerry，佢喺討論區話，事件已經影響中信泰富同中信集團嘅名聲，仲話「現在我很心痛」。
唔只Jerry，相信一眾散戶都估，今日開市，中信泰富一定大幅低開，所以Jerry要求孔丹星期一開市嘅時候宣佈中信泰富停牌，並「以年齡理由通過辭退主席榮智健，改派中信集團總經理常振明任主席」，Jerry話咁先可以令公司重新振作，仲話會繼續支持公司喎。
孔丹會唔會接受呢位股東嘅意見，就真係只有時間先可以證明。