周二、三就會上演歐聯8強，諗住多支強隊例牌會收起主力備戰，點知好衰唔衰，西甲維拉利爾竟然盡遣主力。上周六作客艾美利亞，呢架「黃色潛艇」盡派基奧斯比羅斯、辛迪卡索拉同卡迪維拿等主力正選披甲，輸0:3唔係罪，慘就慘在辛迪卡索拉（小圖）喺64分鐘扭斷右腳足踝呢！呢位西班牙國腳證實收「咧」就梗㗎喇，因為至少要休戰4個月，搞到今夏喺南非搞嘅洲際國家盃都唔使預佢，維拉利爾呢鋪真係輸得甘咯！