鄭欣宜前晚喺將軍澳電視廣播城錄影《小時感動》節目，現場播咗肥姐沈殿霞嘅片段，講到當日欣宜答應肥姐會爭氣，問佢覺得自己做唔做到對媽咪嘅承諾？佢話：「呢個承諾係一生一世，做人點都要爭氣，有頭有尾，就算媽咪在生自己都要咁做，我會盡力做到最好。」至於清明節有冇拜媽咪？欣宜話1號去拜張國榮時拜埋媽咪，所以就冇再去。