有時好多細球會，喺使錢方面都叻過啲大會，好似史篤城咁，英超進行咗半個球季，當時佢哋都仲係排緊18、19位，點知1月中簽入比亞堤之後，成隊即刻脫胎換骨。呢位由英冠錫菲聯以350萬鎊（約4,000萬港元）加盟嘅31歲射手，目前為史篤城上陣10場聯賽，但已經入咗6球波，上周六作客2:0擊敗西布朗，比亞堤又有進賬！史篤城唔經唔覺升咗上13位，降班威脅少咁一大截，比亞堤真係今夏轉會嘅bestbuy，至少領隊佩利斯係咁諗囉。