20國集團會議結束，一切回復正常，花旗股市上日微升，但道指升破8000心理關口，可以增強投資者信心，失業率去到8.5巴仙股市都照升，反映股民都係睇好後市居多。
港股上個禮拜令人眼前一亮，試過單日大升千點，跟住嗰日都冇回吐，炒上15000關冇乜走雞，保險股整體走勢幾好，呢個禮拜可以睇高一線。
財險C輪13912：財險（2328）上周五報收5.09元，跌1.3巴仙，同之前一日嘅升幅比較，回吐幅度好細，而且即市反彈力好強，有機會上試7元關，可以諗吓隻C輪13912，現價19.4仙，有效槓桿1.7倍，正股升上7元，13912有機會升上33.2仙，正股跌穿4.50元，就沽咗隻輪止蝕。
俊樺