溫碧霞前晚與丈夫往灣仔出席仁濟就職晚會，她透露近期仍是忙拍廣告，也有電影在傾談中，她說：「其實我都想快啲退出，做幕前點都想keep住自己最靚嗰一刻，但係又仲未有部代表作，打算畀多幾年時間啦，我唔介意做媽咪角色，但係甘草就唔好啦。」記者提議她大可再拍一套終極版《靚妹仔》，她說：「我家仲點做o靚妹仔呀？不過有啲導演我好欣賞嘅仲未合作過，好似陳可辛同爾冬陞，希望有機會同佢哋合作。」她又指十分感謝內地廣告商及觀眾支持，去年已拍了8至10個廣告，共有8位數字酬勞，她說：「所以好開心唔使睇住價錢嚟買衫囉。」
王馨平愛唱K
此外，王馨平及黃德如各偕夫婿到場，王馨平指多年來沒有人找她復出，她說：「所以我成日有同周慧敏同小恩子（黎瑞恩）唱K過吓歌癮。」至於黃德如則懷孕9個月，腹中胎兒是B女。
採訪：梁錦雯
攝影：陳志嵐