邦民女羅凱珊（Kama）昨日化身兔女郎，到EMax出席復活節宣傳活動，與現場小朋友玩遊戲，吸引大批市民圍觀。
書展出寫真
雖然金融海嘯影響全球經濟，但Kama仍然廣告、活動接不停，她昨日說：「都好慶幸呀，一個星期都有三、四個活動，同埋近排都係忙拍廣告。」
Kama提到下月將到台灣墾丁拍攝寫真，希望趕及於書展推出，她說：「賣點就係人靚、景靚同造型靚囉！」問她會否穿水着？她即說：「一定啦！」問到可有瘦身或豐胸作準備時，Kama說：「今朝先食咗一個木瓜，希望有效啦，不過唔貪心，升到一cup就夠喇。」身材有Bcup的Kama又說：「聽講有啲吸胸機好有效，自己都想試，但係仲考慮緊。」
Kama自爆有意創業做老闆，她說：「想去旺角租啲格仔箱賣日本首飾，用幾千蚊小試牛刀，不過自己數口唔精，以前都試過喺網上賣二手衫，但係買家就唔知我係邊個。」
採訪、攝影：藍文浩