「草蜢忘我演唱會」第二場前晚於紅館舉行，到場支持的圈中人包括王祖藍、關心妍與男伴、姚樂怡與男伴以及甄楚倩等。
蔡一傑甫開場已急不及待大搞氣氛，他說：「你哋係第一批買飛嘅觀眾，今晚我哋會有忘我嘅演出，大家忘記自己30日冇薪假期、忘記自己嘅年齡同埋忘記30幾吋腰，好似我哋26吋腰咁盡情跳。」接着三子便演繹一連串勁歌熱舞，全場歌迷情緒十分高漲，不時大玩人浪。
諷刺雷曼兄弟
及後蘇志威指美術總監朱祖兒不讓他們露腹肌，身旁的蔡一傑即笑說：「你好想露咩？好難得大家拎400蚊買飛，而唔係買銀行股，大家有錢應該買GrasshopperBrothers，而唔係買LehmanBrothers（雷曼兄弟）。」蔡一智帶頭先除去衣服，接着蔡一傑及蘇志威都脫去上衣，大騷肌肉，令全場歌迷尖叫，他們更自豪地說：「40幾歲人有咁嘅身材都算係咁。」
採訪：馬建華
攝影：林德雄
