賈曉晨（JJ）前日着和服到沙田一間百貨公司出席活動，並主持扑酒桶儀式。自言好易飲醉嘅JJ話最近參加生日會，好多朋友同佢敬酒，佢冇幾耐就醉咗，第二朝發現自己喺屋企，不禁嚇咗一跳。JJ話：「我當晚好快就醉咗，斷晒片，都唔知邊個送我返屋企，所以一起身就好驚，後來問番經理人，知道係同事送我返屋企先至安心啲，所以我都好想學飲酒。」