股市持續反底，很多專家大跌眼鏡，甚麼大師級，睇圖專家一早已被「夾死」啦，大眾（專家一樣）智慧有時不可信，賭波賭馬亦何其似，始終贏錢人佔少數，認叻仔者就大把，今日冷選英冠榜末大戰修咸頓對查爾頓癲鳳鬥狂龍，開[客/主]。
賭冷門最重要係冇壓力，小弟就算博熱W也會選擇用3串1及4串1過關，舉例今日熱門心水博阿仙奴、李斯特城、利物浦及燕豪芬4串1也有5倍，這樣注碼已可大大減輕；至於博冷門幾十蚊已有相當不錯回報，近期小弟就鍾情買2串3波膽總投注50元，效果也相當不錯！
查爾頓借將季末四散
言歸正傳，〈開倉版〉篇幅所限，其實想多講英冠榜末大戰，兩支昔日英超隊修咸頓及查爾頓狹路相逢，兩軍俱傳出財困，修咸頓母公司更已宣佈破產，不過有時場內球員為前途，鬥志因此更高昂，英甲榜尾車頓咸便是好例子，已5場不敗；而修、查兩軍已不能再和，估計會放手一搏，修咸頓年輕球員鬥志會較查仔一眾會季末走頭借將高，博大冷[客/主]同贏波波膽最合心水。
另外，紐卡素主場有新帥登場，有5.5倍W同阿爾克馬爾失波波膽，亦分頭吸引，有時贏錢是需要有逆思考及抵得住遠離群眾的孤獨感。
文：蘋果波神